Жаппай төбелеске қатысқан «Бейбарыс» пен «Арлан» хоккейшілері айыппұл төлейді

Қазақстан хоккей федерациясының республикалық жарыстар өткізу жөніндегі департаменті атыраулық «Бейбарыс» пен көкшетаулық «Арлан» командалары арасындағы жаппай төбелеске байланысты шешім шығарды.

Атыраулық клубқа хоккей клубының спорт бөлімінің 7-тарауының 36-бабы 6-тармағын бұзғаны немесе тиісінше орындамағаны, клуб басшысының немесе кез келген қызметкердің бұзақылық әрекет жасағаны үшін 310 АЕК мөлшерінде айыппұл салынды. Бұл жаза шамамен 1,2 миллион теңге сомаға тең.

Ал «Арлан» командасында аталған оқиғаға байланысты бірқатар ойыншылар жазаға тартылды. Олардың қатарында Владислав Никулин (90 АЕК), Руслан Ибраев (75 АЕК), Дәрмен Ғабдуллин, Дмитрий Архипов және Арсений Борисов (барлығы – по 60 АЕК), сондай-ақ бапкер Дмитрий Маркелов (АЕК) бар.

Айта кетсек, хоккейшілер Қазақстан біріншілігінің ойыны біткеннен кейін жаппай төбелеске қатысқан. Оған ойыншылар, бапкерлер және клубтардың әкімшілік штаб өкілдері араласқан.