Қазақстандық үш дзюдошысы Grand Slam турнирін ерте аяқтады

Астанада өтіп жатқан Qazaqstan Barysy Grand Slam-2026 турнирінің үшінші күнінде Қазақстан құрамасының үш дзюдошысы жарысты бірінші айналымнан кейін аяқтады.

90 келіге дейінгі салмақ дәрежесінде Айбол Нысаналы әзербайжандық Аслан Коцоевке есе жіберсе, Ақжол Дүйсенбаев сербиялық Борис Рутовичтен жеңілді. Ал Барак Арқабай венгриялық Гергел Нерпельге қарсы алғашқы белдесуінде ұтылды.

Осылайша, үш спортшы да жарысты ерте кезеңде тоқтатуға мәжбүр болды.

Айта кетейік, екі күннің қорытындысы бойынша жалпы медаль кестесінде Франция құрамасы көш бастап тұр. Екінші және үшінші орындарда Моңғолия мен Ресей құрамалары орналасқан.

Біздің серіктес: Olimpbet қосымшасын пайдалан