13 сағат бұрын
Ғұсман Қырғызбаев алтын үшін таласта екі дүркін Олимпиада чемпионына жол берді
Фото:ҰОК
Дзюдодан Қытайдың Циндао қаласында Гран-При турнирі өтіп жатыр. Дүбірлі додада ол алтын үшін жапондық 2 дүркін Олимпиада чемпионы Хифуми Абэмен күресті. Тартысқа толы белдесуде отандасымыз жапон балуанына жол берді. Осылайша ол Гран-При жарысының күміс жүлдесін еншіледі.
Отандасымыз жарыс жолында алғашқы айналымда Моңғол елінің өкілі Төмөрхүү Турболдыны жарыс жолынан шығарды. Ал 1/8 финалда Джусуф Нурковичті ұтты. Ғұсман Қырғызбаев ширек финалда әзербайжандық Руслан Пашаевтан басым түссе, жартылай финалда бразилиялық Руслан Пашаевтан айласын асырды.
Айта кетейік, Ғұсман Қырғызбаев 2024 жылғы Париж Олимпиадасының қода жүлдегері. Ал Хифуми Абэ 2020 жылғы Токио, 2024 жылғы Париж Олимпиадасының чемпионы. Бұған қоса 4 рет әлем чемпионатында топ жарған.
Біздің серіктес: Olimpbet қосымшасын пайдалан
