Қазақстандық дзюдошылар әлем чемпионатының алғашқы күнінде бес медаль жеңіп алды

Эквадордың Гуаякиль қаласында дзюдодан кадеттер арасындағы әлем чемпионаты басталды. Қазақстан құрамасы жарыстың алғашқы күнін бес медальмен қорытындылап, жалпыкомандалық есепте көш бастады.

Отандастарымыздың еншісінде бір алтын, екі күміс және екі қола жүлде бар.

Қазақстандық жүлдегерлер:

• Ғабит Расулхан (-60 кг) — алтын;

• Әділжан Нұрбекен (-50 кг) — күміс;

• Адия Жанахмет (-40 кг) — күміс;

• Бекарыс Құдайберген (-50 кг) — қола;

• Ахмет Баубек (-60 кг) — қола.

Айта кетейік, биылғы әлем чемпионатына 59 елден 457 жас дзюдошы қатысып жатыр.

Гуаякильдегі әлем біріншілігі 23 тамызға дейін жалғасады. Қазақстан құрамасы алдағы күндері де жүлде үшін күресін жалғастырады.

Біздің серіктес: Sport12kz