Қазақстан қоржынына дзюдодан әлем чемпионатында үшінші алтын түсті

Қазақстан құрамасы Эквадордың Гуаякиль қаласында өтіп жатқан кадеттер арасындағы дзюдодан әлем чемпионатында үшінші алтын медалін иеленді.

90 келіге дейінгі салмақта Әділжан Жаудинов чемпион атанды. Қазақстандық дзюдошы финалда Ресей өкілі Абдулманаф Рамазановты иппон әдісімен жеңіп, алтын медальға қол жеткізді.

Бұған дейін Қазақстан қоржынына 60 келіге дейінгі салмақта Расулхан Ғабит, ал 52 келіге дейінгі салмақта Фатима Сүпығалиева алтын медаль салған болатын. Сүпығалиева Қазақстан тарихында барлық жас санаттары бойынша дзюдодан әлем чемпионатында алтын алған алғашқы әйел спортшы атанды.

Кадеттер арасындағы әлем чемпионаты 20 тамызда басталды. Жарысқа 18 жасқа дейінгі ұлдар мен қыздар қатысуда.

Біздің серіктес: Sport12kz