Қазақстан дзюдодан әлем чемпионатының финалына өтті

Қазақстанның кадеттер арасындағы дзюдодан құрамасы Эквадордың Гуаякиль қаласында өтіп жатқан 2026 жылғы әлем чемпионатында аралас командалық турнирдің финалына жолдама алды, деп хабарлайды Sport12.kz.

Жартылай финалда қазақстандық дзюдошылар Өзбекстан құрамасымен кездесіп, 4:2 есебімен жеңіске жетті.

Қазақстан сапында ерлер арасында Расулхан Ғабит (60 кг), Әліжан Сайлаубеков (81 кг) және Әділжан Жаудинов (81+ кг) өнер көрсетті. Әйелдер құрамынан Зере Талғатқызы (48 кг), Азима Серік (63 кг) және Тоғжан Төлебай (63+ кг) татамиге шықты.

Осылайша, Қазақстан құрамасы әлем чемпионатының финалына өтіп, алтын медаль үшін күресетін болды.

Бұған дейін қазақстандық дзюдошылар Болгарияны 4:1, ал Жапонияны 4:2 есебімен жеңген еді.

Біздің серіктес: Sport12kz