Қазақстан кадеттер арасындағы дзюдодан әлем чемпионы атанды

Қазақстанның кадеттер арасындағы дзюдодан құрамасы Эквадордың Гуаякиль қаласында өтіп жатқан 2026 жылғы әлем чемпионатында топ жарды, деп хабарлайды Sport.kz.

Аралас командалық турнирдің финалында Қазақстан құрамасы Бразилиямен кездесіп, тартысты белдесуде 4:3 есебімен жеңіске жетті. Чемпион команданың тағдыры қосымша белдесуде шешілді.

Осылайша, қазақстандық дзюдошылар әлем чемпионатының алтын медалін иеленді. Бразилия құрамасы күміс жүлдеге қол жеткізді.

Қазақстан құрамасы турнир жолын Болгарияны 4:1 есебімен жеңуден бастады. Ширек финалда Жапонияны 4:2 есебімен сенсациялық түрде жеңсе, жартылай финалда Өзбекстаннан 4:2 басым түсті.

Нәтижесінде Қазақстан кадеттер арасындағы әлем чемпионатында аралас командалық сында әлем чемпионы атанды.

Біздің серіктес: Sport12kz