Президент жас дзюдошыларды әлем чемпионатындағы тарихи жеңісімен құттықтады

Мемлекет басшысы Қасым-Жомарт Тоқаев Эквадордың Гуаякиль қаласында өтіп жатқан жастар арасындағы дзюдодан әлем чемпионатында Қазақстан құрамасының табысты өнер көрсетуіне байланысты құттықтау жолдады.

Президент аралас командалық жарыста топ жарған ұлттық құраманы, сондай-ақ жекелеген сында чемпион атанған Ғабит Расулхан, Фатима Сұпығалиева және Әділжан Жаудиновті құттықтап, жас спортшыларға алдағы жарыстарда сәттілік тіледі.

Қазақстандық дзюдошылар әлем чемпионатында 4 алтын, 3 күміс және 4 қола медаль жеңіп алды. Бұл – отандық дзюдо тарихындағы жастар арасындағы әлем чемпионаттарындағы үздік нәтиже.

Айта кетейік, бұған дейін Халықаралық дзюдо федерациясының президенті Мариус Визер Мемлекет басшысымен сөйлесіп, Қазақстан құрамасын тарихи жетістігімен құттықтаған.

Біздің серіктес: Sport12kz