Оралда дзюдодан Қазақстан чемпионаты өтеді

Орал қаласында ересектер арасында дзюдодан Қазақстан Республикасының чемпионаты өтеді, деп хабарлайды Sport12.kz.

Ұлттық біріншілікке еліміздің 17 өңірінен 600-ге жуық дзюдошы қатысады. Олардың қатарында Қазақстан құрамасының мүшелері Мағжан Шамшадин, Бауыржан Нарбаев, Данияр Шамшаев, Ғалия Тынбаева, Мәди Амангелді, Дидар Хамза, Аружан Ережепова, Камила Берлиғаш және Акерке Рамазанова бар.

Сонымен қатар чемпионат нәтижелері 2027 жылы халықаралық жарыстарда Қазақстан намысын қорғайтын ұлттық құраманың құрамын жасақтау кезінде маңызды рөл атқарады.

Айта кетейік, Қазақстан чемпионаты 29 тамыз бен 1 қыркүйек аралығында «Жайық» спорт кешенінде өтеді.

Біздің серіктес: Sport12kz