Қазақстандық екі дзюдошы Лозаннадағы Grand Slam турнирінің ширек финалына шықты

Швейцарияның Лозанна қаласында дзюдодан Grand Slam халықаралық турнирі басталды. Жарыстың алғашқы күнінде Қазақстан құрамасының екі өкілі ширек финалға жолдама алды.

60 келіге дейінгі салмақта өнер көрсетіп жатқан Шерзод Давлатов 1/8 финалда алаң иесі Давид Гошты жеңді. Қазақстандық дзюдошы келесі белдесуінде Франция өкілі Лука Мхеидзеге қарсы күреседі.

Мхеидзе – Олимпиада ойындарының үш дүркін жүлдегері.

Ал 66 келіге дейінгі салмақта Ақылжан Жұбатқанов та жарысты сәтті бастады. Ол 1/8 финалда Тәжікстан спортшысы Искандар Махмадходжозададан басым түсті. Ақылдан Жұбатқанов жартылай финалға шығу үшін ресейлік Рамазан Абдуллаевпен белдеседі.

Ал Қазақстан құрамасының тағы үш дзюдошысы турнирдегі жолын аяқтады. Талғат Орынбасар (60 келіге дейін), Нұрқанат Серікбаев (66 келіге дейін) және Дана Әбдірова (57 келіге дейін) айтулы турнирден мерзімінен бұрын шығып қалды.

Лозаннадағы Grand Slam турнирі 28-30 тамыз аралығында өтеді.

Біздің серіктес: Sport12kz