Қазақстандық дзюдошылардың Бакудегі әлем чемпионатына қатысатын құрамы белгілі болды

Қазақстан дзюдо федерациясы Бакуде өтетін әлем чемпионатында ел намысын қорғайтын спортшылардың тізімін жариялады.

4-11 қазан күндері Әзербайжан астанасында өтетін әлемдік додаға Қазақстаннан 15 дзюдошы қатысады. Құрама сапында 9 ер және 6 әйел спортшы бар. Олар жекелей жарыспен қатар, аралас командалық сайыста да бақ сынайды.

Ерлер:

• 60 кг: Аман Бақытжан, Шерзод Давлатов;

• 66 кг: Нұрқанат Серікбаев, Асылжан Жұбатқанов;

• 73 кг: Есет Қуанов, Аңсарбек Ғайнуллин;

• 81 кг: Жалғас Қайролла, Абылайхан Жұбаназар;

• 90 кг: Данил Крылов.

Әйелдер:

• 48 кг: Әбиба Әбужақынова, Ғалия Тынбаева;

• 63 кг: Эсмигүл Куюлова;

• 78 кг: Аруна Жангельдина;

• 78 келіден жоғары: Ақерке Рамазанова, Камила Берліқаш.

Қазақстандық дзюдошылар Баку татамиінде әлем чемпионатының жекелей және аралас командалық бағдарламасында сынға түседі.

Біздің серіктес: Sport12kz