Дзюдодан әлем чемпионатында 9 қазанда Аружан Жангелдина сынға түседі

Әзербайжан астанасы Баку қаласында өтіп жатқан дзюдодан әлем чемпионатында енді 9 қазанда ел құрамасынан Аружан Жангелдина сынға түседі, деп хабарлайды Sport12.kz.

Қазір Қазақстан еншісінде Бакудегі әлем чемпионатының бір медалі бар. Алғашқы жарыс күні Шерзод Давлатов (-60 кг) күміс медаль еншілеген. Жалпы жарыс 12 қазанға дейін созылады. Биыл 93 мемлекеттен 622 татами шебері қатысып жатыр.

Қазақстан дзюдо федерациясы жариялаған тізімде ерлер құрамасы сапында 60 келіде Аман Бақытжан мен Шерзод Давлатов, 66 келіде Нұрқанат Серікбаев пен Асылжан Жұбатқанов, 73 келіде Есет Қуанов пен Аңсарбек Ғайнуллин, 81 келіде Жалғас Қайролла мен Абылайхан Жұбаназар, 90 келіде Данил Крылов татамиге шығады.

Ал әйелдерде 48 келіде Әбиба Әбужақынова мен Ғалия Тынбаева, 63 келіде Эсмигүл Куюлова, 78 келіде Аруна Жангелдина, 78 келіден жоғары салмақта Ақерке Рамазанова мен Камила Берліқаш ел намысын қорғайды.

Біздің серіктес: Sport12kz