Әлем чемпионатында қазақстандық дзюдошылар тағы бір жарыс күнін жүлдесіз аяқтады

Әзірбайжан астанасы Бакуде дзюдодан ересектер арасындағы әлем чемпионатының алтыншы жарыс күні өтіп жатыр. Бұл күні Қазақстан құрамасының өкілі Аруна Жангельдина жарыс жолынан шықты.

Әйелдер арасында 78 келіге дейінгі салмақта сынға түскен отандасымыз алғашқы белдесуінде финляндиялық Эмма Крапуға есе жіберді.

Осылайша, Қазақстан құрамасы кезекті жарыс күнінде жүлдеге қол жеткізе алмады.

Ертең, 78 келіден жоғары салмақ дәрежесінде Камила Берліқаш пен Ақерке Рамазанова татамиге шығады.

Айта кетейік, Бакудегі әлем чемпионаты 12 қазанға дейін жалғасады. Биылғы додаға 93 елден 622 дзюдошы қатысып жатыр.

Біздің серіктес: Sport12kz