Дзюдодан әлем чемпионатының туы ресми түрде Қазақстанға табысталды

2027 жылы Астанада дзюдодан әлем чемпионаты өтеді. Осыған байланысты Бакуде өтіп жатқан әлем біріншілігі аясында келесі чемпионаттың туы Қазақстанға ресми түрде табысталды.

Салтанатты рәсімде Әзербайжан дзюдо федерациясының вице-президенті Эльнур Мамедли жарыстың туын Халықаралық дзюдо федерациясына (IJF) қайтарды. Кейін ұйымның бас хатшысы Лиза Аллан туды Қазақстан дзюдо федерациясының президенті Қуанышбек Есекеевке тапсырды.

Әлем чемпионаты 2027 жылғы 7–14 маусым аралығында Астанада өтеді. Жарыс 2028 жылғы Лос-Анджелес Олимпиадасына іріктеу кезеңіндегі маңызды додалардың бірі болмақ. Спортшылар Олимпиада рейтингінде қажетті ұпайларды сарапқа салады.

Айта кетейік, Қазақстан дзюдодан әлем чемпионатын соңғы рет 2015 жылы қабылдаған. Осылайша, әлемдік дода 12 жылдық үзілістен кейін Астанаға қайта оралады.

Сонымен қатар Қазақстан 2023–2026 жылдар аралығында төрт жыл қатарынан Qazaqstan Barysy Grand Slam халықаралық турнирін өткізді.

Ал Бакуде өтіп жатқан әлем чемпионатында қазақстандық Шерзод Давлатов 60 келіге дейінгі салмақта күміс медаль жеңіп алды.

Біздің серіктес: Sport12kz