Қазақстандық 17 дзюдошы Загребтегі Гран-при турниріне қатысады

13–15 қараша күндері Хорватияның Загреб қаласында дзюдодан Гран-при санатындағы халықаралық турнир өтеді. Қазақстан жарысқа 17 спортшыдан жасақталған құрамын апарады.

Ұлттық құрама сапында 8 ер және 9 әйел дзюдошы бар. Олардың арасында тәжірибелі балуандар мен халықаралық жарыстарда ел намысын қорғап жүрген спортшылар да бар.

Ерлер құрамасы:

• 60 келі: Аман Бақытжан, Нұрадыл Алжан;
• 66 келі: Нұрқанат Серікбаев;
• 73 келі: Бақытжан Абдурахманов;
• 90 келі: Ермахан Ануарбеков, Нұржан Бисенов;
• +100 келі: Ерасыл Қажыбаев, Жантілек Нұртілепұлы.

Әйелдер құрамасы:

• 48 келі: Абиба Әбужақынова, Ғалия Тынбаева;
• 52 келі: Меруерт Сәрсенова, Аружан Ережепова;
• 57 келі: Дана Әбдірова;
• 63 келі: Эсмигүл Құйылова;
• 70 келі: Ажар Асхат;
• 78 келі: Екатерина Токарева;
• +78 келі: Аида Тойшыбекова.

Айта кетейік, Қазақстан құрамасы былтыр Загребте өткен бұл турнирге қатысқан жоқ. Биыл отандық дзюдошылар халықаралық рейтингтік жарыста бақ сынап, жүлделі орындар үшін күреседі.

Біздің серіктес: Sport12kz