03.03.2025
«Странджа» турнирі: Қазақстан медаль кестесінде топ бастады
Азамат Бақи
Фото: Ұлттық олимпиадалық комитет
Болгарияның София қаласында 76-шы рет ұйымдастырылған халықаралық «Странджа» турнирі өз мәресіне жетті.
Ерлер арасындағы сында медаль жиынтығы бойынша Қазақстан құрамасы алдына жан салмады. Отандастарымыз кіші әлем чемпионаты саналатын турнирде 5 алтын, 9 күміс және 4 қола жүлде жеңіп алды.
Екінші орынға Өзбекстан құрамасы тұрақтады. Ала шапанды ағайындардың қоржынында 5 алтын, 1 күміс және 4 қола медаль бар.
Ал үздік үштікті Болгария құрамасы түйіндеді. Жарыс иелерінің атынан сынға түскен боксшылар аталған турнирде 2 алтын және 3 қола жүлдені иеленді.
Айта кетейік, ел құрамасы 2021 жылы Сербияның Белград қаласында өткен әлем чемпионатынан бері алғаш рет медаль кестесінде Өзбекстанды артта қалдырды.
Біздің серіктес: Olimpbet қосымшасын пайдалан
