Рафинья: менің «Барселонада» ойнағаным кей адамдарға ұнамайды

«Барселона» шабуылшысы Рафинья каталониялық клубқа келген сәттен бастап баспасөз оны үнемі клубтан «кетіргісі келетінін» айтты.

«Мен «Барселонаға» ауысқан алғашқы күннен бастап-ақ клубтан кететінім туралы түрлі әңгіме айтылып келеді. Меніңше, кейбір адамдарға менің осында ойнағаным ұнамайды. Әсіресе баспасөзге... Бір журналист бар. Тек өтірік ақпарат таратумен айналысады.

Ол мен клуб басшыларымен кездесіп, қаламын ба, кетемін бе — соны талқылады деп жазды. Бірақ ол жігіт өтірік айтады. Әр жолы ойдан шығарылған жаңалық жариялаған сайын, мүлде қисынсыз дүниелерді айтады», — деп Mundo Deportivo басылымы Рафиньяның сөзін келтіреді.

Биылғы маусымда бразилиялық шабуылшы барлық турнирде 31 матч өткізіп, 19 гол соғып, 8 нәтижелі пас авторы атанды.

Левандовски «Барселонадан» кетуі мүмкін

Біздің серіктес: Olimpbet қосымшасын пайдалан