22.06.2025
Ауыр салмақтағы UFC чемпионы Джон Джонс мансабын аяқтады
Қанат Байұзақов
UFC президенті Дана Уайттың ауыр салмақта UFC чемпиондық белбеуінің иегері, америкалық Джон Джонс аралас жекпе-жек спортындағы кәсіби мансабын аяқтағанын айтты, деп хабарлайды Sport12.kz
Джон Джонс MMA-дегі мансабында 28 жеңіске жетіп, бір ғана жеңіліс тапқан. Оның соңғы жекпе-жегі 2024 жылдың қарашасында Нью-Йорктегі UFC 309 турнирінде өтті. Онда ол экс UFC чемпионы Стипе Миочичпен кездескен еді. Айқас үшінші раундта техникалық нокаутпен Джонстың пайдасына аяқталды. Бұл оның ауыр салмақтағы чемпиондық атағын қорғаудағы алғашқы жекпе-жегі болған еді.
