UFC Ақ үйдегі турнирдің басты жекпе-жегін жариялады

Ultimate Fighting Championship ұйымы Ақ үй аумағында өтетін турнирдің басты жекпе-жегін ресми түрде жариялады.

14 маусым күні өтетін турнирдің басты кездесуінде америкалық файтер Джастин Гэтжи (27–5) мен испаниялық, грузин текті спортшы Илия Топурия (17–0) октагонда кездеседі.

Бұл ақпарат ұйымның баспасөз қызметі қазіргі уақытта өтіп жатқан UFC 326 турнирі барысында жарияланды. Аталған кештің басты жекпе-жегінде америкалық Макс Холлоуэй (27–8) мен бразилиялық Чарльз Оливейра (36–11) кездеседі.

Еске салайық, Илия Топурия жеңіл салмақтағы UFC-дің негізгі чемпиондық белбеуінің иегері. Ол бұл титулды өткен жылдың маусым айында Чарльз Оливейраны жеңу арқылы иеленген болатын. Ал Джастин Гэтжи қаңтар айында британиялық Пэдди Пимблетт (23–4) спортшысын жеңіп, осы дивизиондағы уақытша чемпиондық белбеудің иегері атанған.

Біздің серіктес: Olimpbet қосымшасын пайдалан