Конор Макгрегор Ресейде жекпе-жек өткізуі мүмкін

Аты аңызға айналған UFC файтері Конор Макгрегордың Ресейде айқас өткізуі мүмкін.

Ұйымдастырушы Владимир Хрюновтың айтуынша, қазіргі уақытта Макгрегордың менеджментімен келіссөздер жүріп жатыр. Жекпе-жек форматы әлі нақты бекітілмеген — бокс та, ММА да қарастырылуда.

— Бұл күзге жоспарланған. Қазір келіссөздер жүріп жатыр. Формат ретінде бокс та, ММА да қарастырылып отыр. Бұл үлкен қаржы және қызығушылық бар, — деді Хрюнов.

Айта кетейік, бұған дейін UFC Макгрегордың қайта оралуын ресми түрде жариялаған еді. Оның келесі жекпе-жегі Макс Холлоуэйге қарсы 12 шілдеде Лас-Вегаста өтеді деп жоспарланған.

Макгрегор соңғы рет 2021 жылдың шілдесінде Дастин Порьеге қарсы жекпе-жек өткізіп, аяқ сүйегі сынуына байланысты жеңіліс тапқан болатын.

Біздің серіктес: Olimpbet қосымшасын пайдалан