Алмабаев UFC тарихындағы сирек жетістікке қол жеткізді

Қазақстандық UFC файтері Асу Алмабаев Бакуде өткен турнирде америкалық Чарльз Джонсонды үшінші раундта мерзімінен бұрын жеңіп, UFC тарихындағы сирек кездесетін жетістікке қол жеткізді.

Жекпе-жек барысында Алмабаев қарсыласына аяққа жасалатын сирек ауырту әдісін – «Сулоев созуы» тәсілін қолданып, жеңіске жетті.

Осылайша, Асу бұл әдіспен қарсыласын тізе бүктірген UFC тарихындағы төртінші спортшы атанды. Бұған дейін мұндай тәсілмен тек Кенни Робертсон, Алджамейн Стерлинг және Забит Магомедшарипов жеңіске жеткен.

Бұл әдіс алғаш рет 2002 жылы армян-ресейлік файтер Амар Сулоевтың орындауымен танылған. Ол осы тәсіл арқылы британдық Пол Кахунды берілуге мәжбүрлеген.

Біздің серіктес: Olimpbet қосымшасын пайдалан