Бүгін Қуат Хамитов Арман Царукянмен кездеседі

11 шілде күні Грузияның Тбилиси қаласында өтетін RAF Georgia еркін күрес турнирінде қазақстандық Қуат Хамитов армениялық Арман Царукянмен белдеседі.

Кездесудің тікелей трансляциясы Қазақстан уақытымен 22:00-ден кейін басталады.

Аралас жекпе-жектегі көрсеткіштеріне келсек, Қуат Хамитовтың еншісінде 28 жеңіс, 8 жеңіліс және 2 тең нәтиже бар. Ол соңғы ММА жекпе-жегінде бразилиялық Алан Силваны төрешілердің бірауызды шешімімен жеңген болатын.

Ал Арман Царукян кәсіпқой мансабында 23 жеңіс пен 3 жеңіліске ие. Оның соңғы ресми жекпе-жегі өткен жылдың қараша айында өтіп, армениялық спортшы жаңа зеландиялық Дэн Хукерді екінші раундта қылқындыру әдісімен жеңген еді.

Біздің серіктес: Olimpbet қосымшасын пайдалан