Конор Макгрегор болашағына қатысты шешімін жариялады

Ирландиялық UFC жұлдызы Конор Макгрегор UFC 329 турнирінде америкалық Макс Холлоуэйден мерзімінен бұрын жеңілгеннен кейін болашағына қатысты мәлімдеме жасады.

Макгрегор жекпе-жекке тыңғылықты дайындалғанын айтып, болған жағдайдың өзі үшін күтпеген оқиға болғанын жеткізді.

«Мен бұл жекпе-жекке толық дайын болдым. Алаңға нашар формада шықты деген сөздердің бәрі – бос әңгіме. Өзімді сабырлы, дайын әрі сенімді сезіндім. Болған жағдайға әлі де сене алар емеспін. Ертең шіркеуге барамын. Мұның бәрін еңсеремін. Бұл мені тоқтатпайды. Мен қайта ораламын», – деп жазды Макгрегор әлеуметтік желідегі парақшасында.

Еске салайық, UFC 329 турнирінің басты жекпе-жегінде өткен қарымта кездесуде Макс Холлоуэй қарсыласының ауыр аяқ жарақатына байланысты бірінші раундтың соңына жетпей жеңіске жетті.

Бұл Конор Макгрегор үшін 2021 жылдың шілдесінен бергі алғашқы жекпе-жек болды.

Біздің серіктес: Olimpbet қосымшасын пайдалан