Қаршыға Дәуітбек Жапонияда қарсыласын нокаутқа жіберді

Қазақстандық жартылай жеңіл салмақтағы файтер Қаршыға Дәуітбек Жапонияның Хиросима қаласында өткен Rizin FF – Landmark Vol. 15 турнирінде жапониялық Кехэй Хагивараны мерзімінен бұрын жеңді, деп хабарлайды Sport12.kz.

Үш раундқа жоспарланған жекпе-жек алғашқы раундтың өзінде аяқталды. Қаршыға қарсыласын нокаутқа жіберіп, кәсіби мансабындағы 19-жеңісіне қол жеткізді.

Ал Кехэй Хагивара үшін бұл ММА-дегі 12-жеңілісі болды. Оның еншісінде 9 жеңіс бар.

Еске салайық, Қаршыға Дәуітбектің бұған дейінгі жекпе-жегі өткен жылдың 31 желтоқсанында Сайтама қаласында өткен болатын. Ол кезде қазақстандық файтер жапониялық Юта Кубомен кездескен. Алайда бірінші раундта Кубо кездейсоқ Дәуітбектің көзіне саусағын тигізіп алғандықтан, қазақстандық спортшы жекпе-жекті жалғастыра алмады. Соның салдарынан кездесу өтпеді деп танылды (no contest).

Біздің серіктес: Olimpbet қосымшасын пайдалан