6 сағат бұрын
Иэн Гэрри: мені ең қиын сынақ күтіп тұр
Қанат Байұзақов
Ирландиялық UFC жауынгері Иэн Гэрри Ислам Махачевке қарсы алдағы жекпе-жек туралы пікір білдіріп, оны чемпиондық белбеуге үміткер үшін тарихтағы ең үлкен сынақ деп атады, деп хабарлайды Sport12.kz
Ирландиялық файтердің айтуынша, ресейлік спортшы титулын UFC тарихындағы ең мықты чемпиондардың бірі ретінде қорғамақ.
«Тарихта мұндай деңгейдегі чемпионға қарсы шыққан үміткер болған емес. Ол UFC-дің екі салмақ дәрежесіндегі чемпионы, ұйым тарихындағы ең ұзақ жеңіліссіз сериялардың бірінің иесі әрі P4P рейтингінде бірінші орында тұр. Бұл чемпиондық белбеуге үміткер үшін тарихтағы ең қиын сынақ», – деп келтіреді Гэрридің сөзін Red Corner MMA.
Ислам Махачев пен Иэн Гэрри арасындағы жекпе-жек 16 тамызда Филадельфияда өтетін UFC 330 турнирінің басты оқиғасы болады. Бұл Махачев үшін жартылай орта салмақтағы чемпиондық белбеуді жеңіп алғаннан кейінгі алғашқы титулдық қорғаныс болмақ.
Біздің серіктес: Olimpbet қосымшасын пайдалан
