Қазақстандық жауынгер Қытайда нокаутпен жеңілді

Қазақстандық жауынгер Алтынбек Магаз Қытайда өткен аралас жекпе-жек турнирінде жеңіліске ұшырады.

Ол октагонда жергілікті жауынгер Сяофэй Цюмен кикбоксинг ережесі бойынша жұдырықтасты. Жекпе-жек ұзаққа созылмай, бірінші раундта аяқталды. Қытайлық спортшы қазақстандық қарсыласын нокаутқа түсіріп, жеңіске жетті.

Магаз жекпе-жек барысында үш рет нокдаунға түсті. Naiza FC басылымы қытайлық жауынгердің жеңісін «жыл нокаутына үміткер» деп бағалады.

Бұл Сяофэй Цюдің кәсіби ММА мансабындағы алғашқы жеңісі болды. Ал Алтынбек Магаз осымен төртінші рет жеңіліп отыр.

Біздің серіктес: Sport12kz