Еркебұлан Тоқтар 28 тамызда өзбекстандық файтермен жұдырықтасады

Қазақстандық ММА жауынгерң әрі актер Еркебұлан Тоқтардың келесі жекпе-жегі 28 тамызда Астанада өтеді. Оның қарсыласы өзбекстандық поп-ММА өкілі және блогер Бобиржон «Испанчик» Исроилов.

Екі спортшы суперорта салмақта кәсіпқой бокс ережесі бойынша жұдыртасады.

Жекпе-жек Жақсылық Үшкемпіров атындағы Жекпе-жек сарайында өтетін International Boxing Day турнирінің бағдарламасына енгізілген. Кешті IBA мен Nomad Fighting бірлесіп ұйымдастырады.

Еркебұлан Тоқтар соңғы рет 4 шілдеде Алматыда өткен IBA Nomad 15 турнирінде өнер көрсетті. Ол ресейлік поп-ММА файтері Артем Тарасовты бірінші раундта нокаутпен жеңді. Жекпе-жек бокс ережесімен, бірақ ММА қолғаптарымен өткен.

Ал Исроиловтың муай-тайдан әлем чемпионы атағы бар. Ол Орталық Азиядағы OCTAGON MMA лигасының медиа дивизионында өнер көрсетеді

Өзбекстандық спортшы соңғы жекпе-жегін 27 маусымда өткізіп, түрікменстандық Эзиз Дурдыевты төрешілердің бірауызды шешімімен жеңген.

Біздің серіктес: Sport12kz