Қырғызстандық Ақжол Махмудовтың бауыры допинг дауына байланысты төрт жылға жарыстан шеттетілді

Қырғызстандық спортшы Сыймык Махмедов допингке қарсы ережені бұзғаны үшін төрт жылға жарыстардан шеттетілді.

Халықаралық тестілеу агенттігінің (ITA) мәліметінше, Махмедовтен 2024 жылғы 11 қазанда Астанада өткен грэпплингтен әлем чемпионаты кезінде алынған сынамадан мельдоний анықталған. Бұл зат WADA-ның тыйым салынған препараттар тізіміне кіреді.

Спортшының дисквалификациясы 2024 жылғы 21 қарашадан 2028 жылғы 20 қарашаға дейін жалғасады. Осы кезеңде оның 2024 жылғы 11 қазаннан кейінгі нәтижелері де жарамсыз деп танылады.

Махмедов аралас жекпе-жектен де өнер көрсетеді. Кәсіпқой ММА-дағы рекорды — 6 жеңіс, 2 жеңіліс.

Сыймык Махмедов — грек-рим күресінен 77 келіде әлем чемпионы атанған Ақжол Махмудовтың туған ағасы.

Біздің серіктес: Sport12kz