Карлос Пратес Ислам Махачевтің жекпе-жек стилін сынады

Бразилиялық UFC файтері Карлос Пратес жартылай орта салмақтағы чемпион Ислам Махачевтің Иэн Мачадо Гэрриге қарсы жекпе-жегінен кейін оның күреске негізделген стиліне қатысты пікір білдірді.

«Меніңше, бұл қызықсыз. Мен жекпе-жектерді көруді онша ұнатпаймын. Әрине, достарымның кездесулерін қараймын, бірақ грэпплерлердің жекпе-жегін ерекше ұнатпаймын. Маған нокауттар, көп әрекет және сол сияқты нәрселер ұнайды. Қазір грэпплингпен айналысқанды ұнататыным қызық, бірақ оны тамашалағанды ұнатпаймын. Жекпе-жектің партерге ауысып, сол жерде іш пыстырарлық түрде өтуі маған ұнамайды. Одан да футбол көргенді жөн санаймын», — деді Пратес журналист Ариэль Хельваниге берген сұхбатында.

Еске салайық, Махачев UFC 330 турнирінің басты жекпе-жегінде Гэрримен кездесіп, төрешілердің бірауызды шешімімен жеңіске жетті. Осылайша ресейлік файтер жартылай орта салмақтағы UFC чемпиондық белбеуін алғаш рет қорғады.

Біздің серіктес: Sport12kz