Ислам Махачевтің UFC 330-дегі гонорары белгілі болды

UFC-дің жартылай орта салмақтағы чемпионы Ислам Махачевтің UFC 330 турниріндегі титулдық жекпе-жек үшін алған болжамды гонорары белгілі болды.

Махачев Иэн Гэрриге қарсы жекпе-жегі үшін 4,14 миллион доллар алған. Бұл шамамен 1,914 миллиард теңге немесе 352,4 миллион рубль.

Ал ирландиялық файтердің гонорары 2,061 миллион доллар, яғни шамамен 952,6 миллион теңге немесе 175,5 миллион рубль болған.

Айта кетейік, бұл сомалар болжамды болып табылады. UFC және Пенсильвания Атлетикалық комиссиясы турнирге қатысушылардың нақты гонорарларын ресми түрде жариялаған жоқ.

Махачев Гэрриді төрешілердің бірауызды шешімімен 49:46, 49:46, 48:47 есебімен жеңіп, жартылай орта салмақтағы чемпиондық белбеуін алғаш рет қорғады. Бұл ресейлік файтердің UFC-дегі қатарынан 17-жеңісі болды.

Біздің серіктес: Sport12kz