Ануарбек Бекембетов өзбек жауынгерлерінің жанкүйерлерін жоғары бағалады

Қазақстандық MMA файтері Ануарбек «Мотиватор» Бекембетов Өзбекстан спортшыларының жанкүйерлер тарапынан қолдауына қатысты пікір білдірді.

«Өзбектер туралы айтып отырмын, олардың ауызбіршілігіне сөз жоқ. Бір-бірін таудай қолдайды, бар жүрегімен жанкүйер болады. Мен видео жариялап, „Абий, Фарух — қорғауға!“ деген едім. Олар Қазақстан мен Өзбекстанның жалауларын қойып, „Бауырым, сен біздің бауырымсың“, „Өзбекстанға, Ташкентке кел, бүкіл отбасымызбен қарсы аламыз“ деп жазып жатыр. Маған жекеге көптеген өзбек жігіттері жазуда. Жарайсыңдар, рахмет, бауырлар. Шын жүректен қолдау көрсетіп жатырсыңдар», — деді Бекембетов.

Қазақстандық файтер өзбек жанкүйерлерінің октагондағы спортшыларға көрсететін қолдауын да атап өтті.

«Тіпті октагондағы кез келген жекпе-жекке қараңыздар. Кәсіби MMA болсын, поп-MMA болсын, өзбек файтері өнер көрсетсе, өзбектер оны ерекше қолдайды. 30-40 мың адам жиналып, өз спортшысы үшін шын мәнінде жылайды. Өзбекстанның туын көтереді. Егер файтер жеңілсе де, „Ештеңе етпейді, бұдан да мықты болып ораласың, жарайсың!“ деп соңына дейін қолдау көрсетеді.

Міне, осындай ауызбіршілік пен бірлік болуы керек, достар. Өзбекстан, бауырлар, біз біргеміз. Аман болыңыздар», — деді қазақстандық спортшы Instagram-дағы парақшасында.

Біздің серіктес: Sport12kz