Aсу Алмабаев RAF-дағы дебюті алдында қарсыласымен көз арбасты

Қазақстандық UFC файтері Асу Алмабаев Real American Freestyle (RAF) лигасындағы алғашқы белдесуіне дайындалып жатыр. Отандасымыз RAF 12 турнирінде америкалық Джонни ДиДжулиуспен кездеседі.

Жекпе-жек алдында қос спортшы көз арбасу рәсіміне қатысып, алдағы белдесудің алдындағы соңғы дайындықтарын көрсетті.

Айта кетейік, Асу Алмабаев үшін бұл RAF лигасындағы алғашқы кездесу болмақ. Қазақстандық файтер еркін күрес ережесі бойынша өнер көрсетеді. Оның қарсыласы Джонни ДиДжулиус бұған дейін RAF аясында үш рет белдесіп, бір рет жеңіп екі мәрте жеңілген.

ДиДжулиус – тәжірибелі америкалық балуан. Ол Ohio State университеті құрамында 115 рет жеңіске жетіп, NCAA чемпионатына төрт мәрте қатысқан.

RAF 12 турнирі 22 тамызда АҚШ-тың Огайо штатындағы Кливленд қаласында ұйымдастырылады. Асу Алмабаев пен ДиДжулиус арасындағы белдесу Қазақстан уақытымен 23 тамызға қараған түні өтеді.

Біздің серіктес: Sport12kz