Жапон файтері Дәутбекке «соғыс» жариялады

Жапониялық ММА шебері Рэн Хирамото (4-3) қазақстандық нокаутер Қаршыға Дәутбекпен (19-3) жекпе-жек алдында өз ойын айтты, деп хабарлайды Sport12.kz.

Екі спортшы 10 қыркүйекте Жапонияның Осака қаласында өтетін Super RIZIN 5 турнирінде кездеседі. Хирамото отандастарының алдында жеңіске жететініне сенімді.

«Қатаң әрі ауыр жекпе-жек болады деп күтемін. Екеуміз нағыз соғыс, шынайы шайқас ұйымдастырсақ деймін. Мен сол шайқаста жеңіске жететініме сенемін. Дәл осындай нәтиже болады деп ойлаймын. Мен айқасқа дайынмын және сөзсіз жеңемін», – деді жапон файтері баспасөз мәслихатында.

Ал Қаршыға Дәутбек үшін бұл RIZIN ұйымындағы сегізінші жекпе-жек болмақ. Қазақстандық спортшы осыған дейін аталған лигада бес жеңіске жетіп, бір рет жеңілген. Тағы бір кездесуі өтпеді деп танылған.

Біздің серіктес: Sport12kz