Сергей Павлович пен Алекс Перейра UFC 335 турнирінде кездеседі

Ресейлік ауыр салмақтағы Сергей Павлович (21-3-0) UFC-нің екі салмақтағы бұрынғы чемпионы Алекс Перейрамен (13-4-0) жекпе-жек өткізеді, деп хабарлайды Sport12.kz.

UFC Павлович пен Перейраның жекпе-жегін ресми түрде жариялады. Олар 12 желтоқсанда АҚШ-тың Лас-Вегас қаласындағы T-Mobile аренасында өтетін UFC 335 турнирінің қосалқы басты жекпе-жегінде кездеседі. Айқас ауыр салмақта өтеді және бес раундқа жоспарланған.

Павлович бұл жекпе-жекке қатарынан үш жеңіспен келеді. Ресейлік спортшы Жаирзиньо Розенстрайк пен Вальдо Кортес-Акостаны төрешілер шешімімен жеңіп, 2026 жылғы мамырда Таллисон Тейшейраны небәрі 39 секундта нокаутқа түсірген.

Павлович кәсіби мансабында 21 жеңіске жетіп, үш рет жеңілген. Оның 16 жеңісі нокаутпен тіркелген.

Ал Перейра бұған дейін UFC-де орта және жартылай ауыр салмақта чемпиондық белбеулерді иеленген. Кейін ол ауыр салмақ дивизионына ауысты. UFC рейтингінде Павлович екінші орында, ал бразилиялық спортшы үшінші сатыда тұр.

UFC 335 турнирінің басты жекпе-жегінде Чарльз Оливейра (37-11-0) мен Диего Лопес (28-8-0) BMF белбеуі үшін кездеседі.

Біздің серіктес: Sport12kz