Тони Фергюсон UFC-мен келісімшартын бұзды

Жеңіл салмақтағы экс-чемпион Тони Фергюсон UFC-мен қоштасып, мансабын Global Fight League турнирінде жалғастырады.

Бұл туралы GFL лигасы өзінің әлеуметтік желісінде хабарлады.

Тони аралас жекпе-жектің ең танымал турнирі UFC-де 2011 жылдан бері сынға түсіп келеді. Осы уақыт аралығында америкалық файтер 36 рет октагонға шығып, 25 мәрте жеңіске жетіп, 11 рет қарсыласына есе жіберген. Жеңген жекпе-жектерінің 20-сын уақытынан бұрын аяқтаса, тізе бүккен текетірестерінің алтауында жауырыны жер иіскеген.

Еске сала кетейік, 40 жасар жауынгер соңғы рет Майкл Кьесадан қылқындыру әдісімен ұтылған болатын. Бұл оның қатарынан жеңілген сегізінші жекпе-жегі болып тіркелді.