Михаил Шайдоров: спорттық гимнастикаға барғанмын

Мәнерлеп сырғанаудан Олимпиада чемпионы Михаил Шайдоров өзінің бала кездегі естелігімен бөлісті, деп хабарлайды Sport12.kz

Мәнерлеп сырғанаудан Олимпиада чемпионы Михаил Шайдоров бала күніндегі спорттық жолы туралы айтып, алғашқы тәжірибесімен бөлісті. Бұл туралы Sport12.kz хабарлайды.

Спортшының айтуынша, ол 6 жасында коньки тебуді ұнатпай, біраз уақыт спорт түрін ауыстыруды ойлаған.

«6 жасымда конькиде сырғанау маған ұнамады. Содан кейін әкем мені спорттық гимнастикаға беруге шешім қабылдады. Бір жылдай сол үйірмеге бардым. Кейін бір жарыс барысында қайтадан мұзға оралғым келетінін түсіндім. Мұзда өзімді шынайы сезінемін. Әр әдісті жүрегіммен орындап, әр элементтен қуаныш алатынмын», – деді Шайдоров.

Сонымен қатар ол «Рамстор» сауда үйіндегі мұз айдыны мәнерлеп сырғанаушылар үшін ерекше орын болғанын атап өтті. Оның айтуынша, бұл жер тыныш әрі жаттығуға өте қолайлы болған.

Шайдоров бұл мұз айдынында тек өзі ғана емес, марқұм спортшы Денис Теннің де, сондай-ақ әкесінің де үш айналымды аксель секілді күрделі элементтерді орындағанын еске алды.

«Сол сәттер әлі күнге дейін жылы естелік болып қалды. Әсіресе ол жердегі ыстық шоколад қатты ұнайтын», – деп түйіндеді спортшы.

Айта кетейік, Михаил Шайдоров 32 жылдан кейін қысқы Олимпиададан Қазақстан қоржынына алтын медаль алып берген болатын.

Біздің серіктес: Olimpbet қосымшасын пайдалан