Михаил Шайдоров әлемдік рейтингте үздік үштіктің қатарына енді

Қазақстандық мәнерлеп сырғанаушы Михаил Шайдоров Халықаралық конькишілер одағы (ISU) жаңартқан әлемдік рейтингте мансабындағы ең жоғары нәтижеге қол жеткізді деп хабарлайды Sport12.

Олимпиада чемпионы 3918 ұпай жинап, үшінші орынға көтерілді. Рейтинг көшін америкалық Илья Малинин 4590 ұпаймен бастап тұр. Екінші орында — жапониялық Юма Кагияма (4123).

Үздік бестікті жапониялық Сюн Сато (3639) мен француз Адам Сяо Хим Фа (3625) түйіндеді.

Қазақстандық әйелдер арасындағы ең үздік нәтиже Софья Самоделкинаға тиесілі. Ол 2155 ұпаймен 13-орынға жайғасты. Бұл санатта америкалық Олимпиада чемпионы Алиса Лю 4248 ұпаймен көш бастап келеді.

Ал мұздағы би бағдарламасында Қазақстан намысын қорғайтын Гаухар Наурызова мен Бойсангур Датиев жұбы 44-орында орналасқан.

Біздің серіктес: Sport12kz