Михаил Шайдоров Олимпиададан кейінгі алғашқы жарысына қатысады

Қазақстандық мәнерлеп сырғанаушы Михаил Шайдоров 2026/2027 жылғы маусымдағы алғашқы ресми турниріне қатысады.

Олимпиада чемпионы 24-27 қыркүйек аралығында Словакия астанасы Братиславада өтетін Nepela Memorial жарысында өнер көрсетеді.

Бұл Шайдоровтың Миланда өткен қысқы Олимпиада ойындарынан кейінгі алғашқы ресми турнирі болмақ.

Nepela Memorial бәсекесі Шайдоров үшін жаңа маусым алдындағы маңызды жарыстардың бірі. Қазақстандық спортшы мұнда жаңа бағдарламаларын сынап, алдағы Гран-при кезеңдеріне дайындық жүргізеді.

Шайдоров жаңа маусымда Франция мен Қытайда өтетін Гран-при кезеңдерінде де бақ сынайды. Аталған жарыстар мәнерлеп сырғанаудан халықаралық маусымның маңызды додаларының қатарына кіреді.

Айта кетейік, Михаил Шайдоров қазіргі уақытта Халықаралық конькимен сырғанау одағының (ISU) рейтингінде үшінші орында тұр.

Біздің серіктес: Sport12kz