Қазақстан әйелдер құрамасы шахмат Олимпиадасында төртінші жеңісін тіркеді

Қазақстанның әйелдер құрамасы Самарқандта өтіп жатқан 46-шы шахмат Олимпиадасында Арменияны жеңіп, қатарынан төртінші жеңісіне қол жеткізді.

Бұл турда отандастарымыз Армения құрамасымен ойнап, қарсыласын 3:1 есебімен ұтты.

Ойын барысында Бибісара Асаубаева Олимпиададағы алғашқы жеңісін тіркеді. Ал Елназ Қалиахмет төртінші партиясында да жеңіске жетті. Әзірге ол жеңіліссіз сериясын үзбей келеді. Ал Меруерт Камалиденова мен Алуа Нұрман өз ойындарын тең нәтижемен аяқтады.

Ерлер арасында Қазақстан құрамасы Жапониямен кездесті. Қарсыласты 3,5:0,5 есебімен жеңген жерлестерімз Олимпиададағы үшінші ойынында да ұтты.

Денис Махнёв, Сауат Нұрғалиев және Даниал Сапенов партияларында жеңіске жетсе, ал Жандос Ағманов қарсыласымен тең түсті.

Шахмат Олимпиадасы 11 турдан тұрады. Бесінші турдың ойындары ертең өтеді. Жарыс 27 қыркүйекте мәресіне жетеді.

Біздің серіктес: Sport12kz