Қазақстандық шахматшылар Олимпиаданың алтыншы турында жеңіске жетті

Самарқандта өтіп жатқан 46-шы шахмат Олимпиадасында Қазақстанның ерлер және әйелдер құрамалары алтыншы турда жеңіске жетті.

Әйелдер құрамасы Әзербайжанмен кездесіп, 2,5:1,5 есебімен басым түсті. Алуа Нұрман жеңіске жетсе, Бибісара Асаубаева, Меруерт Камалиденова және Зарина Нұрғалиева өз партияларын тең аяқтады.

Ерлер құрамасы Колумбияны 3,5:0,5 есебімен ұтты. Денис Махнёв, Сауат Нұрғалиев және Даниал Сапенов жеңіске жетті. Ал Жандос Ағмановтың партиясы тең нәтижемен аяқталды.

Осылайша, әйелдер құрамасы Олимпиададағы алтыншы жеңісін тіркеді. Ерлер командасы төртінші рет жеңіске жетіп, бір рет тең түсіп, бір кездесуде жеңілген.

Жарыста бір күндік үзіліс жарияланды. Шахмат Олимпиадасы 27 қыркүйекте аяқталады.

Біздің серіктес: Sport12kz