Абзал Әжғалиев неке қию рәсімін ерекше өткізді

Шорт-тректен Қазақстан ұлттық құрамасының көшбасшыларының бірі, 4 төрт Олимпиаданың қатысушысы Абзал Әжғалиев неке қию рәсімін өткізді, деп хабарлайды Sport12.kz

"Өмірімдегі ең маңызды күндердің бірі.

Өмірімнің көп бөлігі мұз айдынында өтті. Тіпті, мұз менің екінші үйіме айналды деуге болады. Сондықтан осы күнді ерекше өткізгім келді. Сол себепті неке қию рәсімін дәл сол жерде: мұз үстінде, конькимен өткізуді шештім.

Бұл үшін мен өзімнің алғашқы мұз сарайымды таңдадым - дәл осы жерде менің жолым басталып, алғаш рет коньки тепкен едім.

Осы маңызды күні жанымыздан табылып, қуанышымызды бөліскен және осы шараны ұйымдастыруға көмектескен баршаңызға үлкен рақмет", - деді Абзал Әжғалиев өзінің әлеуметтік желісінде.

Айта кетейік, ұлттық құрамада ең жасы үлкен спортшының қатарына кіретін Абзал Әжғалиев әзірше спорттық мансабын жалғастыру-жалғастырмау жөнінде шешім қабылдамады.

Біздің серіктес: Olimpbet қосымшасын пайдалан