3 сағат бұрын
Елордалық джиу-джитсу шеберлері Париждегі Grand Prix турнирінде топ жарды
Қанат Байұзақов
Франция астанасы Париж қаласында джиу-джитсудан ересектер арасында өткен PARIS JUJITSU GRAND PRIX 2026 (JJIF Grand Prix) халықаралық турнирі өз мәресіне жетті, деп хабарлайды Sport12.kz
Әлемнің 28 елінен жиналған 550 спортшы бақ сынаған байрақты бәсекеде елордалық саңлақтар ел абыройын асқақтатты. Бұл жарыста ел намысын қорғаған Астана қаласының екі спортшысы жоғары нәтиже көрсетіп, Париж төрінде топ жарды.
Атап айтқанда, жарыстың алғашқы күні 56 келі салмақ дәрежесінде татамиге шыққан Бекзат Казтаев қарсыластарының бәрінен басым түсіп, чемпион атанды. Ал жарыстың екінші күнінде 85 келі салмақ дәрежесінде белдескен Мерей Кабдуллаев та жоғары деңгейдегі шеберлігін көрсетіп, алтын жүлдені қанжығасына байлады.
Осылайша, жаттықтырушы Арманжан Рузахунов баптайтын елордалық қос спортшы Париж төрінде ел абыройын асқақтатты.
Қазақстан джиу-джитсу шеберлері Қытайда сынға түседі
Біздің серіктес: Olimpbet қосымшасын пайдалан
