Муай-тайдан Қазақстан чемпионатының жеңімпаздары анықталды

Астана қаласында жасөспірімдер мен жастар арасында муай-тайдан Қазақстан Республикасының чемпионаты өз мәресіне жетті.

Төрт күнге созылған жарысқа еліміздің 16 өңірінен 425 спортшы қатысты.

Жалпыкомандалық есепте үздік үштік төмендегідей болды:

1-орын — Алматы облысы

2-орын — Алматы қаласы

3-орын — Солтүстік Қазақстан облысы

Айта кетейік, жарыс жеңімпаздары алдағы халықаралық додаларға жолдама алды. Олар маусым айында Куала-Лумпурда өтетін мектеп оқушылары арасындағы әлем чемпионатында және қыркүйекте Приштинада өтетін жастар арасындағы әлем біріншілігінде ел намысын қорғайды.

Біздің серіктес: Olimpbet қосымшасын пайдалан