Акромат Долгиев Азия чемпионатын жеңіспен бастады

Моңғолия астанасы Ұлан-Батырда өтіп жатқан таеквондодан ересектер арасындағы Азия чемпионатының үшінші жарыс күні басталды.

Алғаш болып даянгқа шыққан қазақстандық Акромат Долгиев 63 келіге дейінгі салмақта іріктеу кезеңінде непалдық Сахил Сунарды жеңіп, келесі кезеңге өтті.

Енді отандасымыз 1/16 финалда Өзбекстан өкілі Назарәлі Назаровпен кездеседі.

Сондай-ақ бүгін Қазақстан құрамасы сапынан Самирхон Абабакиров (63 келіге дейін), Мейір Нұрғазин (87 келіге дейін), Азиза Қаражанова (53 келіге дейін), Айдана Сүндетбай (53 келіге дейін) және Аяулым Асқар (67 келіге дейін) жарыс жолына шығады.

Біздің серіктес: Olimpbet қосымшасын пайдалан