Қазақстандық спортшы Азия чемпионатында қола жеңіп алды

Гонконгта жеңіл атлетикадан жасөспірімдер арасындағы Азия чемпионаты өтіп жатыр.

Қазақстан құрамасы жарыстағы алғашқы жүлдесіне қол жеткізді. Ел қоржынына медальді Мария Щипачева салды.

Қазақстандық спортшы үш қарғып секіруде үздік үштікке еніп, қола жүлдегер атанды. Оның ең үздік нәтижесі — 12,70 метр.

Алтын медальді Қытай өкілі Ицин Се (13,36 м) жеңіп алса, күміс жүлде үндістандық Садхана Равиге (12,84 м) бұйырды.

Біздің серіктес: Olimpbet қосымшасын пайдалан