5 сағат бұрын
«Тарлан» мұз айдынында ерекше балаларға арналған «Мұздағы көңілді старттар» өтті
Қанат Байұзақов
30 мамыр күні «Тарлан» мұз айдынында ерекше балаларға арналған жыл сайынғы «Мұздағы көңілді старттар» спорттық-ойын-сауық іс-шарасы өтті, деп хабарлайды Sport12.kz.
Мереке балаларды, ата-аналар мен жаттықтырушыларды біріктіріп, жылы әрі достық атмосферада ұйымдастырылды. Қатысушылар командалық рух пен спорттық жігерлерін көрсетіп, мұз үстіндегі жарыстардан жарқын әсер алды.
«Барыс» хоккей клубының ойыншылары іс- шараға қатысып, қатысушыларды қолдап, мерекелік көңіл-күй сыйлады. Іс-шара соңында балаларға тәтті сыйлықтар, естелік тартулар мен алғыс грамоталары табысталды.
Айта кетейік, 2024 жылы «Тарлан» мұз айдыны базасында алғаш рет балаларға арналған пара-хоккей командасы құрылды. Бүгінде жас спортшылар белсенді түрде жаттығып, дамып, жақсы нәтижелер көрсетіп келеді. Қазіргі таңда «Тарлан» мұз айдынында денсаулық ерекшеліктері бар 950-ге жуық бала спортпен айналысады. Олар үшін жаттығуға және спорттық өмірге белсенді қатысуға барлық қолайлы жағдай жасалған.
Біздің серіктес: Olimpbet қосымшасын пайдалан
