Қазақстан Швейцарияда әлем кубогында бақ сынайды

Швейцарияның Ароза қаласында батут гимнастикасы бойынша әлем кубогының кезекті кезеңі өтеді.

Осы халықаралық жарыста Қазақстан құрамасы бес спортшымен бақ сынайды.

Құрамға Роман Барков, Никита Тумаков, Ерлан Тасмағамбетов, Виктория Бутолина және Евгения Чернышова енді.

Айта кетейік, жақында Гонконгта өткен Азия чемпионатында Қазақстан құрамасы екі жүлде жеңіп алған болатын. Никита Тумаков пен Ерлан Тасмағамбетов жұптық секіруде күміс медаль иеленсе, Виктория Бутолина жекелей сында екінші орын алды.

Әлем кубогының Швейцария кезеңі 26–27 маусым аралығында өтеді.

Біздің серіктес: Olimpbet қосымшасын пайдалан