21 сағат бұрын
Бибісара Асаубаева тарихи жеңісінен кейін 36,4 миллион теңгеден астам табыс тапты
Фото:Chess.com
Қазақстандық шахматшы Бибісара Асаубаева Norway Chess 2026 турнирінде мерзімінен бұрын чемпион атанып, тарихи жетістікке қол жеткізді.
Турнир регламентіне сәйкес, жарыс жеңімпазына 700 мың норвегиялық крон көлемінде ақшалай сыйлық беріледі. Қазіргі валюта бағамы бойынша бұл шамамен 36,4 миллион теңгеге тең.
Асаубаева чемпиондық атақты соңғы тур аяқталмай тұрып-ақ қамтамасыз етті.
Тоғызыншы айналымда ол Украина елінің өкілі Анна Музычукқа қарсы ойнап, партияны тең нәтижемен аяқтады.
Осы ұпай қазақстандық шахматшының жалпы есептегі көшбасшылығын сақтап қалуына және мерзімінен бұрын жеңімпаз атануына мүмкіндік сыйлады.
Турнир қорытындысы бойынша Бибісара 16,5 ұпай жинап, бәсекелестерінен оқ бойы озық шықты. Осылайша Бибісара Асаубаева Norway Chess 2026 жарысының чемпионы атанды.
Біздің серіктес: Olimpbet қосымшасын пайдалан
