Қазақстан құрамасы Будапештте жарыс жолын бастады

Будапештте (Венгрия) қазіргі бессайыстан әлем кубогының кезекті кезеңі өтіп жатыр. Аталған жарысқа Қазақстан ұлттық құрамасы да қатысып, ел намысын бірнеше спортшы қорғауда.

Қазақстан сапында Кирилл Стадник, Лев Чувашов, Темірлан Әбдірайымов, Константин Сычев, Полина Андреева және Диана Щедрова сынға түсіп жатыр.

Жарыс барысында әйелдер арасындағы іріктеу кезеңі өтті. Алайда қазақстандық спортшылар жартылай финалға жолдама ала алмады.

Енді жарыс ерлер арасындағы іріктеу кезеңімен жалғасады. Қазақстан құрамасы алдағы сындарда жоғары нәтиже көрсетуге үмітті.

Біздің серіктес: Olimpbet қосымшасын пайдалан