Волейболдан Қазақстан құрамасы шешуші матчта жеңілді

Волейболдан Қазақстан әйелдер құрамасы AVC Ұлттар кубогының жартылай финалында Тайвань құрамасына есе жіберіп, финал жолдамасынан айырылды.

Кездесу 3:0 (25:23, 25:16, 25:14) есебімен Тайвань құрамасының пайдасына аяқталды.

Алғашқы ойында қазақстандық волейболшылар соңына дейін тартыс көрсеткенімен, шешуші сәттерде қарсыластарына жол берді. Екінші және үшінші сеттерде Тайвань құрамасы басымдығын арттырып, матчты сенімді жеңіспен аяқтады.

Қазақстан құрамасы сапында ең нәтижелі ойын көрсеткен Татьяна Яцкив 12 ұпай жинады. Кристина Белова 10 ұпай еншілесе, Юлия Фоменко 7 ұпай, Жанна Сыроешкина 6 ұпаймен көзге түсті.

Енді Қазақстан құрамасы турнирдің қола жүлдесі үшін матч өткізеді.

Біздің серіктес: Olimpbet қосымшасын пайдалан